Ætlar þessi vetur aldrei að klárast?

Jafnrétti

Við erum öll orðin langeygð eftir vorinu eftir langan og strangan vetur. Eitt af því góða sem hægt er að gera til að hleypa birtu og yl inn í tilveruna, er að sækja samfélag í gleði og vináttu í Laugarneskirkju, í messu og sunnudagaskóla kl. 11 á sunnudaginn kemur.

Þá ætlum við að hafa messu með fjölbreyttri tónlist sem Arngerður María organisti og kór Laugarneskirkju leiðir, sr. Kristín Þórunn þjónar ásamt messuþjónum og Jónína Ólafsdóttir prestsnemi í starfsþjálfun í Laugarneskirkju prédikar. Hún ætlar í tilefni af 8. mars sem er alþjóðlegur baráttudagur kvenna, að beina sjónum að konum og stöðu þeirra í Biblíunni.

Sunnudagaskólinn verður á fullu og þar er nú ekki leiðinlegt að vera. Allir krakkar og vinir þeirra innilega velkomnir þangað!