Samvera með eldri borgurum

Samvera með eldri borgurum Laugarnesprestakalls 

Nú er eldri borgara starfið að fara af stað á ný í Laugarneskirkju. Anna Sigga Helgadóttir hefur tekið við starfinu og með henn verður sr. Eva Björk Valdimarsdóttir sóknarprestur í Laugarneskirkju.

Það er komin upp sú staða að takmarka þarf notkun á Laugarneskirkju og safnaðarheimili hennar þar sem grunur leikur á að þrálátur vatnsleki hafi átt þátt í að orsaka takmörkuð loftgæði innanhúss. Í ljósi þess að hætta er á að skert loftgæði geti haft áhrif á heilsu og líðan starfsfólks og gesta hússins þá sjáum við ekki annað fært en að færa safnaðarstarfið tímabundið annað.

Við höfum verið svo lánsöm að fá inni í Áskirkju með eldri borgara starfið okkar sem mun þá sameinast eldri borgara starfi Áskirkju á meðan verið er að koma Laugarneskirkju í samt lag. Starfið verður á sama tíma og mun starfsfólk Laugarneskirkju og Áskirkju sameina krafta sína við að skila skemmtilegum og gefandi samverum. 

Starfið verður eins og vanalega á fimmtudögum en hefst klukkan 12:00 með helgistund í Áskirkju, þá er hádegisverður í safnaðarheimili og opið hús sem endar á söngstund í umsjón organista. Hádegisverðurinn kostar 1000 krónur

Dagskrá 

20. september – Kyrrðarstund í umsjón Kristnýjar Rósar djákna í Áskirkju, matur og Þorvaldur Friðriksson skrímslafræðingur verður gestur í opnu húsi 

27. september –  Kyrrðarstund í umsjón Evu Bjarkar sóknarprests í Laugarneskirkju, matur og Leikurinn þekkir þú kirkjuna?

4. október –  Kyrrðarstund í umsjón Sigurðar Jónssonar sóknarprests í Áskirkju, matur og Lagabútaskemmtun með Bjarti organista Áskirkju

11. október  Kyrrðarstund í umsjón Önnu Siggu Helgadóttur æskulýðsleiðtoga Laugarneskirkju, matur og Bingó

18. okt. Kyrrðarstund í umsjón Kristnýjar Rósar djákna í Áskirkju, matur og ferð í Þjóðminjasafn Íslands, farið verður með rútu frá safnaðarheimili Áskirkju

Verið öll hjartanlega velkomin