OPIÐ HÚS alla fimmtudaga

Kæru vinir 😊

Nú hafa Ás- og Laugarnessóknir tekið höndum saman og hvern fimmtudag er boðið uppá OPIÐ HÚS í Áskirkju milli kl 12 og 15.

OPIÐ HÚS:

Stundin hefst með kyrrðarstund í kirkjunni. Þar er leikin tónlist áður en flutt er stutt hugvekja og farið með fyrirbænir.

Í beinu framhaldi er boðið upp á hádegisverð á kostnaðarverði (1.000 krónur) í safnaðarsalnum Dal á neðri hæð.

Um kl. 13 hefst opin dagskrá. Þar njótum við samfélagsins hvert með öðru, hlustum á frásagnir, spilum,  fáum góða gesti, gefum af okkur og þiggjum.

Dagskránni lýkur með söngstund í umsjá organista.

Á vormánuði er fyrirhuguð dagsferð á áhugaverðar slóðir.

Umsjón með starfinu hafa Anna Sigríður Helgadóttir söngkona og Kristný Rós Gústafsdóttir djákni, ásamt prestum, organistum og fleira starfsfólki beggja kirkna.

Verið hjartanlega velkominn í OPIÐ HÚS á fimmtudögum.

Hlökkum til að sjá ykkur.