Allra heilagra messa 1. nóvember

Hildegaard

Guðsþjónusta og sunnudagaskóli verður á allra heilagra messu kl. 11. Prófastur sr. Helga Soffía Konráðsdóttir setur Hrafnhildi Eyþjórsdóttur inn í embætti djákna við Laugarneskirkju. Sóknarprestur sr. Kristín Þórunn Tómasdóttir þjónar ásamt messuþjónum. Tónlistarhópurinn Umbra flytur endurreisnartónlist og leiðir sálmasöng.

Sunnudagaskólinn er á sínum stað í umsjón Bellu, Kela og Gísla.

Guðspjall Allra heilgra messu er úr Fjallræðunni í Matteusarguðspjalli, 5.13-16.

Þér eruð salt jarðar. Ef saltið dofnar, með hverju á að selta það? Það er þá til einskis nýtt, menn fleygja því og troða undir fótum.
Þér eruð ljós heimsins. Borg, sem á fjalli stendur, fær ekki dulist. Ekki kveikja menn heldur ljós og setja undir mæliker heldur á ljósastiku og þá lýsir það öllum í húsinu. Þannig lýsi ljós yðar meðal mannanna að þeir sjái góð verk yðar og vegsami föður yðar sem er á himnum.