Fermingarbörn safna fyrir vatni

vatnssöfnun

Fermingarbörn Laugarneskirkju munu ganga í hús í söfnuðinum þriðjudaginn 3. nóvember frá kl. 15.30-17 og safna fyrir vatnsverkefni Hjálparstarfs kirkjunnar.

Þetta er árleg söfnun fermingarbarna um allt land fyrir vatnsbrunnum í Eþíópíu og krakkarnir hafa lært um mikilvægi þess að hafa aðgengi að hreinu vatni.

Við hvetjum alla til að taka vel á móti fermingarbörnunum sem ávallt hafa staðið sig með vel og safnað upphæðum til þessa verkefnis sem hefur komið sér vel á þeim svæðum þar sem vatnsskortur er viðvarandi vandamál.

Hér er stutt myndband um þetta mikilvæga verkefni.

“Því hungraður var ég og þér gáfuð mér að eta, þyrstur var ég og þér gáfuð mér að drekka, gestur var ég og þér hýstuð mig” Matt. 25.35