Evensong (Aftansöngur) á laugardaginn kl. 17

Kyrrðarstund

Laugardaginn 20. febrúar kl. 17 verður aftansöngur (evensong) í Laugarneskirkju. Að þessu sinni verður tónlistin í höndum Kórs Laugarneskirkju og Arngerðar Maríu Árnadóttur organista.
Sr. Kristín Þórunn Tómasdóttir leiðir stundina.

Evensong er aldagamalt form með ríkulegri tónlist, upprunninn í Englandi. Þar skiptast á lestrar og söngvar eftir ákveðinni fyrirmynd, og gegna Biblíuljóð stóru hlutverki.

Allir hjartanlega velkomnir að koma og eiga með okkur notalega og gefandi stund á laugardaginn kemur.