Haustferð Laugarneskirkju 2. nóvember kl. 13

Jónína tekur við skráningum í ferðina í síma 867-0970. Einnig er tekið við skráningum í kirkjunni í síma 588-9412 milli kl. 10 og 14 þriðjud. til föstud.

Menningarferð í Reykjanesbæ

13:00: Lagt af stað með rútu frá Laugarneskirkju og keyrt rakleiðis til Njarðvíkur en þar munum við skoða safnið Víkingaheima. Víkingaheimar standa við sjávarsíðu Reykjanesbæjar þaðan sem stórfenglegt útsýni er yfir Faxaflóann. Safnið samanstendur af glæsilegu sýningarhúsi þar sem gefur að líta fimm sýningar en helsta aðdráttarafl Víkingaheima er hið stórkostlega víkingaskip Íslendingur sem smíðað var af skipasmiðnum Gunnari Marel Eggertssyni.Í Víkingaheimum borðum við súpu og brauð og fáum kaffisopa á eftir. Hægt er að velja um fiskisúpu eða kjötsúpu.

15:30: Lagt af stað frá Víkingaheimum til Keflavíkur þar sem næsti viðkomustaður verður Rokksafn Íslands en það er glænýtt safn um sögu popp-og rokktónlistar á Íslandi. Þar er saga tónlistar sögð allt frá árinu 1830 til dagsins í dag á mjög lifandi máta. Í upphafi heimsóknar fáum við stutta kynningu og göngum svo um safnið.

16:30: Lagt af stað úr Rokksafninu og keyrt út á Garðskaga þar sem áð verður og Jónína gefur kaffi og kleinur. Ef tími gefst til munum við taka rúnt út á Reykjanestá áður en lagt verður af stað heimleiðis.

18:30: Áætluð heimkoma að Laugarneskirkju.

Hugsanlega verður eitthvað farið út úr rútunni á Garðskaga eða Reykjanestá svo mikilvægt er að menn klæði sig eftir veðri.

Verð á mann: 4.500 kr. Jónína tekur við greiðslum í rútunni

Skráning í ferðina er í síma 867-0970 (Jónína) og í síma 588-9422 milli kl. 10 og 14 þriðjud. til föstud.

Fararstjóri: Jónína Ólafsdóttir guðfræðingur

Leiðsögumaður: Jón R. Hjálmarsson, fyrrum fræðslustjóri.