Nýtt krílasálmanámskeið hefst fimmtudaginn 3. nóvember í Hallgrímskirkju

Krílasálmar er tónlistarnámskeið fyrir börn á aldrinum 3-18 mánaða og foreldra þeirra, þar sem tónlist er notuð til að styrkja tengslamyndun og örva börnin.
Það er sungið fyrir þau og spilað á hin ýmsu hljóðfæri, þeim vaggað, dansað með þeim og á þann hátt fá þau upplifun af tónlistinni sem hefur góð áhrif á tilfinninga- og hreyfiþroska þeirra.
Þessi námskeið eru samstarfsverkefni Laugarneskirkju og Hallgrímskirkju og hefst næsta námskeið fimmtudaginn 3. nóvember í Hallgrímskirkju og stendur í 6 vikur.
Umsjón hafa Inga Harðardóttir æskulýðsfulltrúi Hallgrímskirkju og Arngerður María Árnadóttir tónlistarstjóri Laugarneskirkju.

Námskeiðisgjald er kr. 5000,-

Nánari upplýsingar og skráning á arngerdur@laugarneskirkja.is og inga@hallgrimskirkja.is