Kirkjuflakkarar

Á hverjum mánudegi kl.14:00 – 15:30 hittast Kirkjuflakkarar í safnaðarheimili Laugarneskirkju. Allir krakkar í 3. og 4. bekk eru velkomnir.

Kirkjuflakkarar fást við heilmörg skemmtileg verkefni, fara í leiki, búa til leikrit, allt með það að markmiði að rækta lífsgleðina. Áhersla í starfinu er lögð á að tengjast eldri kynslóðinni, t.a.m. með heimsóknum á félagsheimili Dalbrautar 18-20.
Þá kannar hópurinn trúar- og tilvistarstef sem er að finna í menningu okkar, í því samhengi má nefna hinar gríðarlega vinsælu Harry Potter helgistundir sem bera saman stef úr Harry Potter sögunum við guðspjallstexta og trúarstef.

Vegna viðgerða á safnaðarheimili er hefðbundið starf kirkjuflakkara ekki hafið.
Nánar auglýst síðar.

Skemmtilegur vettvangur til að kynnast og hafa það gaman.

Umsjón hefur sr. Hjalti Jón Sverrisson ásamt ungleiðtogum Laugarneskirkju.