Guðsþjónusta & fyrsti sunnudagaskóli haustsins 4.september

Guðsþjónusta & fyrsti sunnudagaskóli haustsins 4.september

Lofsyngið himnar, fagna þú jörð,
þér fjöll, hefjið gleðisöng
(Jes.49:13)

Við komum saman til guðsþjónustu í Laugarneskirkju sunnudaginn 4.september kl.11 í lofgjörð og bæn.
Sérstaklega fögnum við sunnudagaskólanum sem hefur göngu sína á nýjan leik og er ljóst að það stefnir í lifandi og fjörugan vetur hjá börnum og foreldrum með Rebba, Mýslu, frábærum leiðtogum og heilögum anda allt í kring.
Þennan sunnudag fögnum við í því samhengi nýjum sunnudagaskólakennurum, þeim Arneyju, Garðari og Viktoríu, sem eru ungt hæfileikafólk úr hverfinu sem hafa lengi glætt kirkjuna lífi og kærleiksanda með þátttöku sinni í starfi kirkjunnar.
Ásamt þeim munu reynsluboltarnir Bella og Gísli keyra af stað góðan takt sunnudagaskólans inn í haustið.

Arngerður María, tónlistarstjóri kirkjunnar, mun leiða tónlistina ásamt meðlimum úr Kór Laugarneskirkju. Þá mun Hjalti Jón vera með hugleiðingu um leitina að kyrrð í óréttlátum heimi og leiða guðsþjónustuna ásamt messuþjónum kirkjunnar.

Messukaffið verður á sínum stað, enda alltaf gott að setjast saman í hlýju og nærandi samfélagi að lokinni guðsþjónustu og fá kraft til að þjóna í daglegu lífi af gleði í komandi viku.

Eldri borgarar hittast

Eldri borgarar hittast

Nú hefst starf eldri borgarastarfið í Laugarneskirkju af fullum krafti. Starfið leiðir Guðrún Kr. Þórsdóttir djákni ásamt þjónustuhópi kirkjunnar.


Fyrirkomulagið er þannig að húsið opnar kl. 13 og þá er heitt á könnunni og spjall í boði.

Formleg dagskrá hefst kl. 14 með helgistund og söng í umsjá sóknarprests og organista. Þá hefst dagskrá sem lýkur um kl. 16.

Á morgun þegar við hittumst kemur í heimsókn Jón R. Hjálmarsson, skólastjóri, fræðslustjóri og leiðsögumaður. Hann hefur fengist við margvísleg ritstörf þ.á.m. skrifað Draugasögur við þjóðveginn sem kom út á þessu ári.

Hér má sjá dagskrá eldri borgara starfs kirkjunnar fram að áramótum.